பாண்டிச்சேரி ஒரு யூனியன் பிரதேசம். பிரெஞ்சு ஸ்டைல் கட்டிடங்கள், ஆன்மீக ஸ்தலங்கள், சுற்றுலா தளங்கள் போன்றவை ஆண்டுதோறும் லட்சக்கணக்கான சுற்றுலா பயணிகளை ஈர்த்து வருகின்றன.
பாண்டிச்சேரிக்கு ட்ரிப் பிளான் பண்ணிருக்கீங்களா? உங்கள் பயணத்தை மறக்க முடியாத பயணமாக மாற்றுவதற்கு சிறந்த சுற்றுலா இடங்கள் குறித்து இந்த தொகுப்பில் பார்க்கலாம்.
அரவிந்தர் ஆசிரமம்
ஸ்ரீ அரவிந்தோ ஆசிரமம் ஒரு ஆன்மீக ஸ்தலம். புதுச்சேரியின் சிறந்த சுற்றுலா தலங்களில் ஒன்று. இந்த ஆசிரமம் 20 ஆம் நூற்றாண்டின் மத்தியில் கட்டப்பட்டது. இங்க மக்கள் இலவசமாக சேரக்கூடிய வழக்கமான தியான அமர்வுகள் நடத்தப்படுகின்றன. இங்கு இருக்கும் கேண்டீனில் ஒரு நாளைக்கு மூன்று வேளை உணவுகள் மிகவும் மலிவான விலையில் வழங்கப்படுகின்றன. மேலும் ஒரு நாளைக்கு முன்னதாகவே கூப்பன்களை முன்பதிவு செய்து அவற்றைப் பெறலாம். ஆசிரமத்தைச் சுற்றியுள்ள அமைதி உங்களை மெய்சிலிர்க்க வைக்கும். ஸ்ரீ அரவிந்தரின் வாழ்க்கையைப் பற்றி இங்கு அறிந்துகொள்ளலாம்.
மணக்குள விநாயகர் கோவில்
இந்தியாவின் புகழ்பெற்ற கோவில்களில் மணக்குள விநாயகர் கோயிலும் ஒன்று.
இது பாண்டிச்சேரியில் உள்ள சிறந்த சுற்றுலாத் தலங்களில் ஒன்றாக விளங்கும் இந்துக் கோயில். இந்துக் கடவுளான விநாயகருக்கு அர்ப்பணிக்கப்பட்ட இந்த கோவில் உலகின் பல்வேறு பகுதிகளிலிருந்தும் பக்தர்கள் வருகை தருகின்றனர். அழகிய கோவில் கட்டிடக்கலை தென்னிந்திய கோவில்களில் பிரபலமாக காணப்படும் பாரம்பரிய இந்திய வடிவங்களை நினைவுபடுத்தும்.
புனித இதய பசிலிக்கா
பாண்டிச்சேரியில் உள்ள பல கிறிஸ்தவ ஸ்தலங்களில் சேக்ரட் ஹார்ட் பசிலிக்காவும் ஒன்று. ரயில் நிலையம் அருகில் இருக்கும் தேவாலயத்தின் செழுமையான இளஞ்சிவப்பு வெளிப்புறம் மற்றும் பிரஞ்சு வடிவமைப்புகள் பாண்டிச்சேரியின் மிகவும் கவர்ச்சிகரமான சுற்றுலாத் தலங்களில் ஒன்றாகும். வெளிநாடுகளில் இருந்தும் கிறிஸ்தவர்கள் இங்கு வந்து பிரார்த்தனை செய்து, இந்த அழகை கண்டுகளிக்கின்றனர். உயரமான கூரைகள் மற்றும் செழிப்பான கண்ணாடி ஓவியங்கள் மிகவும் இனிமையான சூழலை உருவாக்குகின்றன. இங்கு நீங்கள் தனிமையில் கடவுளிடம் பிரார்த்தனை செய்ய அல்லது கட்டிடக்கலையை வெறுமனே வியக்க முடியும்.
ராக் பீச்
ராக் பீச் புதுச்சேரியின் மிக முக்கியமான சுற்றுலா தலம். கடற்கரையின் பகுதியானது பெரிய பாறைகளால் கரையிலிருந்து முற்றிலும் மூடப்பட்டுள்ளது. கடலுக்குச் செல்ல, இந்த தடையற்ற பாறைகளைக் கடந்து செல்ல வேண்டும். சில இடங்களில் கடலின் ஆழம் நிச்சயமற்றதாக இருப்பதால் இங்கு நீச்சல் தடைசெய்யப்பட்டுள்ளது. இருப்பினும், நீங்கள் நிச்சயமாக பாறைகளில் அமர்ந்து கடற்கரையின் அழகை தூரத்திலிருந்து ரசிக்க முடியும். கடல் அலைகளுடன் விளையாட பிரத்யேக மாக பல கோடி செலவில் மண்பரப்பு உருவாக்கப்பட்டுள்ளது. உள்ளூர் கடைகளில் இருந்து சுவையான தெரு உணவுகளை சுவைக்கலாம் மற்றும் கடலின் அலைகளை கேட்கலாம். ராக் கடற்கரையில் சூரிய அஸ்தமனமும் ஒரு தனித்துவமான ரத்தினமாகும்.
பிரெஞ்சு காலனி
இந்தியாவின் மிக அழகிய இடங்களில் ஒன்றான பாண்டிச்சேரியின் பிரெஞ்சு காலனி பிரபலமான சுற்றுலாத்தலமாக உள்ளது. புகைப்பட பிரியர்களின் பேவரைட் பிளேஸ்.
இங்குள்ள கட்டிடங்கள் பெரும்பாலும் பிரெஞ்சு பாணியில் உள்ளன. இந்த பகுதியைச் சுற்றியுள்ள தெருக்கள் மற்றும் கட்டிடங்கள் உங்களுக்கு பிரெஞ்சு நகரங்களையும் கிராமங்களையும் நிச்சயம் நினைவுபடுத்தும். இங்குள்ள பல கஃபேக்களில் பிரஞ்சு உணவு வகைகள் உங்களை பிரான்சிற்கே கூட்டிச்செல்லும்.
பாண்டி மெரினா
பாண்டிச்சேரியில் புதிதாக உருவாகி இருக்கும் கடற்கரை. புதுச்சேரிக்கு வரும் சுற்றுலா பயணிகள், நடைபாதைகள், வசதியான ஹோட்டல்கள் மற்றும் ஏராளமான இருக்கைகள் ஆகியவை இந்த கடற்கரையை குடும்பத்துடன் நேரத்தை செலவிடுவதற்கு ஏற்றதாக அமைகிறது. கடற்கரை பிரதான நகரப் பகுதியிலிருந்து வெகு தொலைவில் அமைந்துள்ளது மற்றும் பெரும்பாலும் கூட்டமின்றி உள்ளது. பயணத்திலிருந்து மீண்டு வரும்போது இந்த கடற்கரைக்குச் சென்று அமைதியை அனுபவிக்கலாம். இப்பகுதியில் உள்ள தெரு உணவு மையம் உங்களுக்கு புதுவித அனுபவத்தை கொடுக்கும்.
பாரடைஸ் பீச்
பாரடைஸ் கடற்கரை சில மக்கள் மட்டுமே ஈர்க்கும் மற்றொரு அமைதியான கடற்கரை. இந்த கடற்கரை நீச்சலுக்காகவும் ஏற்றது. சுன்னாம்பாறு படகு குழாமில் இருந்து படகு மூலம் பாரடைஸ் பீச்சை அடையலாம். இங்கு பொழுதுபோக்கு அம்சங்களுக்கு பஞ்சம் இல்லாததால், குழந்தைகளுக்கு ஏற்ற இடம். செயற்கை இசை நீர்வீழ்ச்சி, ஜம்பிங் பலூன் என பல விளையாட்டு அம்சங்கள் உள்ளன.
தாவரவியல் பூங்கா
பாண்டிச்சேரி தாவரவியல் பூங்காவி்ல் சுமார் 1500 தாவர வகைகள் உள்ளன. தோட்டம் முழுவதும் 30 பிரிவுகளாக பிரிக்கப்பட்டுள்ளது. இசை நீரூற்று, ரயில் பயணம், மீன் கண்காட்சி இந்த பூங்காவின் சிறப்பம்சம். பேருந்து நிலையத்திற்கு மிக அருகில் இருப்பதால் குடும்பத்துடம் நேரம் செலவழிக்க சிறந்த இடம்.
பாரதி பூங்கா
பாண்டிச்சேரி ராக கடற்கரைக்கு நேர் எதிரே உள்ள இந்த பூங்கா புதுச்சேரியின் முக்கிய அடையாளம். இந்த பூங்காவில் தான் ஆயி மண்டபம் (புதுச்சேரியின் சின்னம்) உள்ளது. இந்த ஆயி மண்டபத்திற்கு தனி வரலாறு உண்டு. குழந்தைகளுக்கான விளையாட்டு உபகரணங்கள், ஊஞ்சல், சறுக்கு மரம் உள்ளது. இயற்கை சூழலுக்கு நடுவே வயதானவர்கள் வாக்கிங் செல்ல வசதியாக இருக்கும்.
